Kuch Loug Yihan Nooray Sahar Dhund Rahay Hain
Tareek See Ik Raat Hai Dunya Teri Kiya Hai

Pabanday Mashiyat Hai Tanaffus Bhi Nazar Bhi
Ik Jaziyay Lamhaat Hai Dunya Teri Kiya Hai

Taqdeer Kay Chehray Ki Shikan Dekh Raha Hoin
Aainaiy Halaat Hai Dunya Teri Kiya Hai

Majroohay Taqaddus Hai Taqaddus Ki Haqqiqat
Rodaday Kharabaat Hai Dunya Teri Kiya Hai

Saghar Main Chalaktay Hain Samawaat Kay Israar
Saqi Ki Karamaat Hai Dunya Teri Kiya Hai